Lafðin segir sína skoðun

2006-10-05T19:05:00.000-07:00

Hæ allir!

Ég er á lífi! Ég er bara einn slæmur bloggari! Og já mín góða fjölskylda, Ég er enn á lífi!
Annars lítið að frétta, nema það að Birna er farin heim og Guðrún Elsa komin í staðinn.

Kv.Chris

2006-08-08T01:02:00.000-07:00

Ok eg er buin ad sætta mig vid ad engin lesi bloggid mitt nema Særun sem er mer ævarandi tru . A eg kannski bara ad hætta thessu rugli? Ef engin svarar skynja eg thad sem ja.

Ein bitur.

2006-07-26T16:40:00.000-07:00

Halló fólk

Ég ætla að gerast svo djörf að blogga svona til tilbreytingar!
Lífið hér í Köben gengur sinn vanagang...Blankheit og ströggl að sjálfsögðu en gleði umfram allt.Er búin að vera að vinna eins og moðerfokker í mánuðinum en það er mjög fínt í vinnunni! Stelpurnar eru alveg yndislegar og ber þar helst að nefna hana Sóleyju sem er svo sannarlega búin að vera mér innan handar í að koma mér inn í alla hlutina sem eiga að gerast í eldhúsinu okkar á Floras. Svo er hún Julie algjör moli og er búin að vera rosa þolinmóð við mig þegar ég er að reyna að tala móðurmál hennar. Því miður eru þær samt báðar að fara að hætta í vinnunni og fara í nám:( Svona er þetta. Það er ekki á allt kosið. Ég er hins vegar mjög bjartsýn á að geta leyft mér að lifa ögn hærra á ágúst en ég er búin að gera í júlí. Jafnvel get ég keypt mér e-r föt! JEI!

En það er meira spennandi að fara að gerast í ágúst. Hinir ýmsu gestir munu stinga inn nefinu og ber þar helst að nefna mína elskulegu systur og mág. Þá næ ég kannski að túristast e-ð sjálf.

Annars bara mega stuð alltaf á stevnsgade og allir í góðum húmor og stundum súrum eins og bloggið okkur gefur kannski til kynna(stevnsgade39.blogspot.com). Við erum hins vegar búnar að reka okkur á það að við lifum í svolítið mismunandi lífsmynstri. Birna greyið þarf alltaf að fara á fætur fyrir allar aldir á meðan við hinir sauðirnir sofum oftast til hádegis og erum meiri nátthrafnar...Staðreynd: það er skemmtilegra að fara á skrallið hér í Köben á virkum dögum heldur en um helgar, þó sérstaklega á fimmtudögum.... bara svona useless information...og þó...

Ég held ég geti fullyrt að ég hafi aldrei lifað eins miklu meinlætalífi og hér. Hér er ekkert sjónvarp né útvarp og því verðum við alltaf að notast við tölvuna ef við viljum komast í samband við umheiminn, sem er bara fínt. Lesum bara meira fyrir vikið..

Ætla ekki að hafa þetta mikið lengra að sinni,er að fara að vinna tidligt i morgen

Chao.

2006-07-01T14:56:00.000-07:00

Halló skralló!

Lífið er dásamlegt. Er að vinna á fínum stað og yfirmaðurinn minn er algjört yndi. Reyndar er hann algjör djóker en þar sem ég skil ekki danskan húmor hlýt ég að virka mjög leiðinleg. Það er nógu erfitt að tala dönsku allan liðlangan daginn og er orðin svakalega ryðguð en að maður eigi nú að fatta brandarana! Ja þarna fóru Danirnir alveg með mig! Annars gengur vel að flippin' burgers og annað slíkt, fyrir utan nokkra skurði á höndum og brunasár.... Annars er kokkur að vinna á Floras cafe sem er í meira lagi fyndinn. Hann er frá Jamaica en hefur búið hér í 10 ár! Hins vegar talar hann ekki stakt orð í dönsku!

Nú fer að ganga í garð mikill heimsóknartími og fyrstur til að ríða á vaðið er Óskar kærasti Birnu. Svo koma mamma og sysir Valdísar. Í byrjun ágústmánaðar koma svo Rakel mín kæra systir og Nonni minn og ég hlakka ekkert smá til. Þá getur þaður kannski farið að upplifa borgina smávegis sem túristi. Ég vona svo að mamma komist í ágúst líka þar sem hún elskar Köben! Og mig líka að sjálfsögðu...:)

En ekki svo góðar fréttir af klósetti heimilisins! Niðurfallið er stíflað! OJJJJJJJJJJJJJ!!!!!!

Þar sem að ég er latur bloggari nenni ég ekki að skrifa meira í bili því ég hef ekkert að segja...
Hins vegar sá ég Hallgrim úr Örnen, danska þættinum!!!

Kveðja,
Kristín.

2006-06-27T04:21:00.000-07:00

Jæja. Nú er liðinn dágóður tími síðan ég bloggaði síðast...
Það hefur svo sem ekki mikið á daga okkar drifið síðustu vikuna. Sú ánægjulega þróun er að eiga sér stað að við stelpurnar erum allar byrjaðar að vinna sem er bæði gott og slæmt. Höfum gert okkur grein fyrir því að innan hópsins hefur myndast ansi súr húmor sem er ekki fyrir alla að fatta! Við þurfum svo sannarlega að blanda geði við annað fólk núna, sem hefur reyndar gerst á síðustu dögum. Íslendingarnir eru að flykkjast til landsins á hátíð kennda við Hróarskeldu og hafa þeir nokkrir orðið á vegi okkar. Hittum við Jorra,Villa,Nonna,Hilla,Inga,Hauk og Gunna AKA Þynk-Gunna. Það var alveg ótrúlega gaman að hitta þá. Í dag koma Guðrún Elsa og Erla svo það verður nóg að gera hjá manni að mingla við fólk á næstunni....

Vinnan mín er alveg ótrúlega fín. Byrjaði reyndar á því að brenna mig illa á hægri handleggnum því ég, Klaufinn, rak hendina í pönnuna. Sumir eiga kannski erfitt með að trúa því sem á eftir kemur en ég vinn sem KOKKUR! Jább, á dauða mínum átti ég von en að ég myndi gerast kokkur e-s staðar er ofar mínum skilningi! En annars gengur bara vel og engin stórslys. Matseðillinn er fremur auðveldur og ég verð fljót að komast upp á lagið með þetta.

Ég varð fyrir fremur óskemmtilegri lífsreynslu á föstudaginn með Guðnýju. Ég hefði fylgt henni á veitingastaðinn sem hún er að vinna á og við vorum í fyrra fallinu og settumst því á tröppur sem voru fyrir framan e-d hús og vorum bara að spjalla. Í því labbar eldri maður af austurlenskum uppruna framhjá okkur. Eftir að hafa gert það nam hann staðar sneri við og muldraði e-ð við okkur sem við skildum ekki. Skipti hann því yfir á ensku og spurði: Do you want sex? OJJJJ! að sjálfsögðu neituðum við HNEYKSLAÐAR! Í alvörunni, ég get alveg sagt það og staðið við það að ég og Guðný lítum EKKI út eins og vændiskonur.En svo kemur reyndar á móti að veitingastaðurinn er á hliðargötu af Istedgade...

Gaman ad þessu krakkar mínir

En leiter...

Hvordan har I det?

2006-06-17T19:58:00.000-07:00

Jæja,jæja
Í dag fór ég í prufu á kaffihúsinu Floras kaffe sem er á Vesterbrogade og það gekk bara nokkuð vel! Vona innilega að ég sé komin með atvinnu hér í Kaupmannahöfn! Þetta er ekki svo frábrugðið því sem ég var að gera á Súfistanum en ég er jú vissulega að tala annað tungumál núna, er smá ryðguð í dönskunni en það kemur allt saman. Er búin að hitta ótrúlega mikið af nýju skemmtilegu fólki og líkar vel. Er búin að komast að því að það er alltaf gott að eiga góða að í útlöndum sem eru manni innan handar! Hins vegar er lítilll sjéns að maður komist á Roskilde festival úr þessu þar sem það er uppselt. Það er víst hægt að kaupa dagspassa á sunnudeginum en mér finnst bara ekki nógu spennandi að vera að gerast þá, því miður. Svona er þetta þegar auraleysið er alveg að fara með mann. En maður verður bara að súpa seyðið af því! Ég er samt ótrúlega ánægð með lífið.....
Chao,
Chris.................

blogg í köben

2006-06-15T20:14:00.001-07:00

Ég get ekki annað sagt en ég hafi það frábært hér í kóngsins Köbenhavn!
Hér er ég með bestu vinkonum mínum og allt er að komast í fastar skorður með vinnu og slíkt. Er að fara í prufu á kaffihúsi sem heitir Floras Caffee á lau. og er á Vesterbrogade niðrí bæ. Líst mjög vel á þetta allt saman og þetta verður enn frábærara þegar hlutirnir eru komnir á réttan kjöl. Ekki það að okkur veitti að smá fríi eftir stúdentsprófsgeðveiki en allt er gott í hófi. Veðrið er búið að vera æðislegt og við Valdís búnar að vera virkar í að vörka tannið í Örestedsparken síðustu daga og gengur bara nokkuð vel. Eins mikið og ég sakna margs að heiman, eins og minnar elskulegu fjölskyldu minnar og vina, þá sakna ég þess ekki mikið að fara að skemmta mér niðrí bæ og borga morðfjár í hvert skipti sem mig langar að fá mér einn bjor!
Lífið er gott í Köben!

Dvölin í Baunalandi..

2006-06-09T08:55:00.000-07:00

..er alls ekki sem verst!
Ég kom síðust af stelpunum sl.föstudag og allt gengur enn mjög vel. Nálægðin er óneitanlega mikil og mjög persónuleg samskipti svo ekki sé meira sagt..
Íbúðin er mjög fín en hún bar þess bersýnileg merki að hér bjó þrítugur piparsveinn á undan okkur en þad er ekki undan neinu ad kvarta. Staðsetningin er líka frábær, á Norðurbrú, Soho Kaupmannahafnar og við búnar ad kanna nágrennið í þaula og allt lofar góðu. Svo tekur þad okkur bara um hálftíma ad ganga nidur í bæ.
Hins vegar erum vid alveg ad reka okkur á það er ekki ókeypis ad reka heimili fyrir fjóra fullorðna! Ó Nei! Erum einnig búnar vera þræða kaffihús og veitingastaði í leit ad atvinnu og er ég ad bíða eftir svari frá The Laundromat Café sem Frikki Weiss og félagar reka og ég bind vonir mínar við ad fá það. Annars ef allt fer fjandans til fæ ég mér e-a skítavinnu í smá tíma. Mer er alveg sama, ætla bara halda þad út í þennann tíma sem ég var búin ad ákveða ad vera hérna, þ.e. út nóvenber og mér mun takast þad!!
Ég ætla ad reyna ad vera aktív ad skrifa en annars munum við stelpurnar,ég,Guðný, Valdís og Birna halda úti bloggi undir nafninu stevnsgade39.blogspot.com. Tsjékkið á því!

Hej,hej!!!

Próflok

2006-05-23T02:55:00.000-07:00

Jeiiiiiii!!!!!!!!!

Prófin eru loksins búin! Hver hefði getað trúað því? Nú tekur bara skemmtilegt við . Til dæmis eins og að FARA TIL DANMERKUR. Ó já. Ef allt gengur að óskum þá fer ég föstudaginn 2.júní! Mikid annars að gera þessa dagana, undirbúningur fyrir útskrift og annað slíkt. Gaman af þessu öllu saman.

Jæja vildi bara deila þessu með ykkur, lesendur góðir svo að þið getið samgleðst/glaðst (máltilfinning mín er horfin með öllu!) mér.

Chao

Sólarsamba

2006-05-15T09:00:00.000-07:00

Þad sér fyrir endann á þessu erfida tímabili. Adeins tvö próf eftir og þau bara munnleg. Tók þó eitt gott tremmakast i gærkvöldi.Hélt ad gedheilsan væri fokin út í vedur og vind en svo var ekki, sem betur fer. Nú eru hins vegar bjartir tímar framundan og fagnandi tek ég á móti sumrinu(sem er nú víst löngu komid) sem ber vonandi med sér sól, blídu og hamingju....

En eitt skref í einu..

Útskriftin verdur frá Háskólabíói föstudaginn 26.maí kl.14. Þad er alveg merkilegt hversu oft sömu ritgerdarefni birtast á prófum. Mér finnst eins og ég sé búin ad skrifa sömu ritunina, um árin mín í MR, á öllum tungumálaprófunum sem ég hef tekid núna. Já..ætli þad stemmi ekki bara. En í þessum ritunum mínum hef ég farid í minningaferdalag í gegnum skólagöngu mína í MR. Svei mér þá ef ég á ekki eftir ad sakna hans eilítid. Og þó.. þad er alveg kominn tími til ad breyta um umhverfi. Kveð þó med trega.

Ég hef ákvedid ad gerast mjög tönnud í sumar. Já, Valdís, þetta er sko áskorun!

Ble..

Hótanir

2006-05-08T05:21:00.000-07:00

Eins og kannski glöggir lesendur hafa ordid varir vid, hef eg ordid fyrir grídarlega persónulegum árasum frá kommentara sem þorir ekki einu sinni ad láta nafn síns getid (grunar ýmsa en gef ekki upp nein nöfn..). En ég hef ákvedid ad láta undan hótunum hans og rita hér nokkur ord um þad sem hefur a daga mina drifid undanfarið..

Er búin ad vera í fríi frá prófum síðan á föstudaginn(ef þad er hægt ad kalla þad frí) og fer ekki í annad fyrr en á föstudaginn næsta. Almennur miskilningur virdist vera i gangi um hvenær vid mennskælingar klárum prófin. Fólk er ad reyna ad peppa mann upp med setningum eins og ,,Hvernig gengur? Nú fer þetta ad vera búið, bara vika eftir."
,,uuu,nei. Þad eru tvær eftir!!" Sem þó virdist eins og dropi í hafid þegar madur hugsar um ad tímabilid tekur tæpar 6 vikur. En þad er langur tími þegar gedheilsan er í húfi!

Átti ágæta helgi, þó annasöm. Fékk ad vinna á Kallakvöldi FH á föstudaginn og ég tel ad þetta sé auðveldasti 10.000 kall sem ég hef unnid mér inn. Hékk inn í midasöluklefanum í 5 tíma en þar sem flestir fengu bodsmida var ekki mikid ad gera hjá mér. Í lok kvöldsins vorum vid ordnar ansi súrar, farnar ad segja hvor annarri fimmaurabrandara eins og vid fengjum borgad fyrir þad og Jóhannes eftirherma hló meira ad segja dátt af mínum.. Gaman af því... Svo var þad náttúlega elsku Súfistinn minn. Allir virtud-st hafa fengid sömu hugmyndina um helgina: ,,Hey. ég veit! Förum á súfistann og fáum okkur ógedslega mikid ad borda og drekka!" EEhhhhh,whadda hell..

Hlutirnir virdast smátt og smátt ad vera ad skýrast med Danmörku..eda svona nokkurn veginn(madur er bjartsýnn). Fékk svar frá Frikka Weiss um þad ad ég ætti bara ad koma og hitta þá þegar ég kæmi til Köben. Fyrir þá sem ekki vita sendi ég umsókn til ,,The Laundromat café" í Kóngsins Köbenhavn. Vona ad það gangi eftir!

Hafid það annars gott í blídunni.

Leiter,
Krulluhausinn....

P.S. Getur verid ad færslur mínar einkennist af bölsýni? Í alvörunni, ég er ekki svona þunglynd!;)

Maður getur verið svo mikið VILLIDÝR.......

2006-04-30T08:09:00.000-07:00

Ahh.. Gott kvöld i gær a Babalú. Brandarar og irrealis, good times! Sumir gubbuðu fleiri gullmolum ut ur sér er aðrir. Valdis, Gudný og Þóra, þid vitid hvad eg er ad tala um og eg hef þad sterklega a tilfinningunni ad eg fái seint ad gleyma sumu....

Chao Bella

FÖSTUDAGURIN LAAAANNNNNNGIII.................................

2006-04-29T04:33:00.000-07:00

Vá var hann í gær?
Þetta var allavega lengsti föstudagur sem eg hef upplifad!
Úff! Vaknadi kl.7 og for ad læra og eg lærdi stanslaust til fimm minutur i þrjú en þá fór eg einmitt íslenskuprófið skemmtillega sem skildi eftir sig ómælda gledi og hamingju i hjarta minu... eda ekki........ Hún Katrín Emma litla frænka min atti afmæli i gær, var tveggja og af þvi tilefni var haldid litid fjölskylduboð, voda gaman og hun sæt og fín i litlum kínakjól. Eftir bodid var eg vægast sagt MJOG þreytt en nei, eg fór ekki heim heldur i vinnunna til half eitt og skúradi 2 hædir! Ég huggadi mig þó við það(þó þad se sorglegt) ad eg næði sidasta stætó heim. EN HANN KEYRDI FRAMHJA MER! Ég þurfti þvi ad labba upp á Velli sem er jú talsverdur spölur. Eg held eg geti fullyrt ad eg hafi aldrei upplifad lengri dag...........

Vá böring færsla.......

Íslenskudjöfull

2006-04-28T06:10:00.000-07:00

Ég HHHHAAAAATAAAAAAAA íslensku! Ég ætla ad hætta ad tala módurmál mitt hér med!

Thanks.

Bad hair day!

2006-04-25T01:54:00.000-07:00

Hef átt þá nokkra í gegnum tíðina.
En gærdagurinn var ekki bara slæmur hárdagur, það var bara e-d svo meiriháttar rangt við hann!
Sérstaklega seinnipartinn.
Dagurinn hófst á því ad ég vaknaði hálfgrenjandi því kvikmyndafræðiprófið var í nánd og ég vissi ekkert vid hverju var að búast sem er mjög óþægilegt. Þar fyrir utan hafdi ég ekki einu sinni nád að fara yfir allt efnið! Arg! Svo mér fór að standa á sama, hitti Valdísi og Guðnýju á Súfistanum sem var reyndar mjög gott! Valdís gat allavega útskýrt fyrir mér hvad SUTURE væri en þad kom einmitt á prófinu. Svo fórum við í prófið og mér gekk bara betur ég hélt mér myndi ganga. Strax eftir prófið fór eg upp á Bókhlöðu ad læra f.félagsfræði sem eg er ad fara í á eftir. Á þessum tímapunkti var ég orðin fáranlega þreytt og pirruð og ekki með símann minn þar sem ég hafdi gleymt honum hjá Jóni daginn áður. Ég komst að því að það er mjög óþægilegt að vera símalaus og að ég er bara nokkuð vinsæl! 12 missed calls, takk fyrir. Örugglega fleiri en ég hef fengið í heildina gegnum tíðina... Nei, nú lýg ég.... Ég þurfti að nálgast simann upp á Lögberg og eg var buin að bíða i halftima á 3.hæð þegar ég uppgötvadi að kallinn var í kjallaranum(þetta var bara til þess að bæta í pirringinn). Áttum við samtal í drjúga stund en svo lagdi ég leið mína að strætó. EN NEI!!! Þá var byrjað að snjóa!!! Ég var komin a það stig að eg var byrjuð að kjögra sem eru mjög fyndin viðbrögð við pirringi verð eg ad segja.. Loks komst ég á strætóinn og var með fýlusvipa alla leiðina! Kom heim, fór beint á myspace og það nádi nú bara nokkuð vel að kæta mig. Lærdi síðan aðeins og fór að sofa...

The End
(Úff, þetta var leiðinleg færsla)

2006-04-24T01:54:00.000-07:00

Hvað er að mér. Ég er svaf svo lítið í nótt af því ég hékk yfir sex and the city til 3! Ég er algjörlega vansvefta(tileinkað Söndru;)). En engu að síður skemmti ég mér vel. Djöfull er nýi nágranni Mirönu HEITUR!!!!! Úff, ég átti alveg erfitt með mig!!

Ég á mér draum:
Það er heitur sumarmorgun og ég er hlaupandi í gegnum Central Park (auðvitað í Manolo Blahnik skóm, dah) á leið í verslunarleiðangur....... AAHHHHHHHHH........Góður draumur......

En hver segir að draumar geti ekki ræst........
Tók stúdentspróf í kvikmyndafræði í dag og það fór bara betur en á horfðist.

Ble,ble

Oh lordy, lord!

2006-04-23T17:27:00.000-07:00

Er að fara i kvikmyndafrædipróf og ég kann ekki neitt og mér er slétt sama...........
Veit e-r hvað suture er?

Bæjó

Jibbí! Föstudagur! eða ekki....

2006-04-21T13:21:00.000-07:00

Já, Kittý í þokkalegu partýstuði á föstudagskvöldi, nema hvað....

Það verður seint sagt að ég sé í þannig gír þessa dagana enda er það ágætt, maður verður nú að reyna gera e-d viturlegt stundum,svona til tilbreytingar. Var í íslenskri ritgerð í dag. Í fjóra tíma takk fyrir! Allt tímaskyn er í algjöru rugli þessa dagana. Ég vakna, les, fer í próf og svo er bara kominn kvöldmatur þegar ég kem heim. Mjög steikt allt saman...

Annars allt að gerast í tæknideildinni. Með hjálp góðra vina hefur mér tekist að búa til MySpace og er slóðin myspace.com/kittygud og ykkur er velkomið að kíkja ef þið hafið áhuga!

Jæja, Latibær er byrjaður. Ég vil alls ekki missa af því!!!!!!!

Chao for now

Nu er sumar, gledjast gumar

2006-04-20T14:58:00.000-07:00

Gledilegt sumar og megi tad vera tad allrabesta sem tid hafid upplifad! Eg hef ad minnsta kosti fulla tru a tvi!

Panslavismi here I come!

2006-04-19T11:36:00.000-07:00

Jess! Saga búin að eilífu! 14 próf to go!!!!
Annars þétt á kantinum og tremma góð á því með Guðnýju yndislegu mér við hlið. P.S. hún er gegt kúl! Hún var að skora á mig að stofna myspace en VÓó, er rétt skriðin inn í bloggheiminn þannig að þetta gæti tekið sinn tíma. AAAHHHH, tæknin nú til dags krakkar mínir!

Ég hef ákveðið að gera þessa síðu að málgagni panslavisma til heiðurs Stalín vinar okkar allra og lýsi auk þess hér með eftir elskhuga sem er staðsettur á Völlunum þar sem ég hitti Jón minn aðeins einu sinni í viku.

Nenni ekki að tala meira, yfir og út,

Kittý Kittý Bang Bang og einkaritari hennar, Guðný ljósvetningagoð og Stalín.

Dagbók Berts

2006-04-17T04:10:00.000-07:00

Takk fyrir linkinn Særún mín!
Jæja, sagan eftir tvo daga og sé get ekki hamið mig af gleði!!! En það þýðir ekkert að agnúast yfir því, stundum verður maður bara að rífa plásturinn af snöggt.. Annars veit maður aldrei um framtíð þessa bloggs eftir prófin. Ein af mínum ÓTALMÖRGU vinkonum óskaði mér til lukku með nýju dagbokina en lét jafnframt fylgja sögunni að hún væri einnig með blogg en ritaði aðeins í það á meðan prófum stæði og það mætti glögglega sjá á færslunum. Ég er þó bjartsýn og stefni á að halda því út á meðan Danmerkurför okkar stelpnanna stendur. Það væri í svona Dagbókar Berts stíl!

Bless í bili
Kúní

HJÁLP EINHVER!!!!!

2006-04-16T04:41:00.000-07:00

Ekki vill svo skemmtilega til að e-r geti lánað mér fjólubláu sögubókinasíðan í 4.bekk, minnir að hún heiti Saga vestrænnar menningar-nýöldin. Er að fara í stúdentspróf á miðvikudaginn, svo ef það er e-r góðhjartaður þarna úti og vill hjálpa ungri stúlku í neyð þá mun sá hinn sama fá það margfalt borgað tilbaka!!!

Annars lítið af mér að segja. Sat sveitt yfir grísku goðafræðinni í gær og komst að skemmtilegum staðreyndum og kenningum úr þessari áhugaverðu fræði. M.a. hvernig blökkumenn urðu svartir en það gerðist einmitt þegar Faeþon, sonur Helíosar (guðs sólar og ljóss) fékk að aka vagni föður síns. En hann hafði enga stjórn á ólmu fákunum sem drógu vagninn og hann fór því of nálægt jörðinni sem við það hitnaði of mikið. Það kviknaði í hæstu tindum, fljót gufuðu upp og Afríkumenn urðu svartir!!!
Skemmtilegt...

Er komin með ritstíflu og ætla að láta þetta gott heita í bili. En endilega ef þið getir lánað mér bókina, commentið þá bara eða gerið það sem ykkur sýnist..

Chao

Jibbíkóla moðerfokkers!!!!!!!!!

2006-04-15T15:55:00.000-07:00

Jei, fólk er að lesa bloggið mitt! Ég fæ svona hlýtt í hjartað!
Allavega...

Ég biðst velvirðingar á orðbragði mínu í síðustu færslu, var búin að skrifa heilan helling og eyddi því svo!! Jábbs það er ég, tölvugúrúinn Kristín. En það sem mig langaði að deila með ykkur áðan var afar dularfullt atvik sem ég lenti í og hljómar það e-n veginn svona:

Ég var einu sinni sem oftar í strætó í gær.Er það ekki frásögu færandi nema fyrir það leiti( er einfalt eða ypsilon?) að þar sem ég er búin að sitja dágóða stund, ein í vagninum ( að sjálfsögðu þungt þenkjandi) fer ég að veita því athygli að vagnstjórinn sendir mér augnagotur. Eins og flestir gera jafnan í strætó dregur maður sjálfan sig inn í e-s konar hjúp og heldur að enginn sjái mann. En það reyndist ekki vel í þessu tilfelli.
Bílstjórinn hóf 3.gráðu yfirheyrslu!

Bilst.:Býrðu á Völlunum?

Ég: Já

Bíls.:Ertu búin að búa þar lengi?

Ég: Nei

Bíls.:Hvernig líkar þér?

Ég:Ágætlega ( Ó MÆ GOD, hann er örugglega fjöldamorðingi!!!)

Bíls.:Ertu í skóla?

Ég:Já

Bílst.:Í hvaða skóla?( nú var mér ekki farið að standa á sama!)

Ég:MR

Bíls.:Á hvaða braut?

Eg:Málabraut

Bíls:Hvað ertu að læra mörg tungumál?

Ég:Nokkur

Bíls:Ætlarðu í Háskólann?

Ég:Já ábyggilega( OK hann er pottþétt raðnauðgari að leita að næsta fórnarlambi!!!!!! Góði Guð, ég skal lofa að fara alltaf með bænirnar mínar hér eftir, bara ef hann nauðgar mér ekki og kyrkir mig svo!!)
Og svo framvegis......:(

Strætóferð lýkur.
Dauðskelkuð reyndi ég að láta á engu bera þegar ég steig út úr vagninum en hljóp svo sem fætur toguðu inn í stigaganginn minn.Móð og másandi skýrði ég móður minni frá því sem ég hafði lent í nokkrum mínútum áður, að hún væri heppin að fá að sjá dóttur sína aftur. Hún hefði næstum lent í klónum á kaldrifjuðum morðingja og þar að auki raðnauðgara!!!

Mamma: Hvað eredda.. Manninum hefur bara leiðst svona. Hann hefur bara viljað losa aðeins um málbeinið... Vertu ekki svona paranoid..

Jaaa ég spyr! Er ekki verið að ala þessa hræðslu uppí manni í fjölmiðlum og svona. Allir halda til dæmis að mannkynið sé bókstaflega deyja út vegna fuglaflensunnar. Allt raunsæi er horfið úr fólki! En samt í alvörunni! Djöfull getur maður verið geðveikur, býst alltaf við því versta!En ég slapp ómeidd úr þessum hremmingu, ef það er þá hægt að kalla hremmingar..

Nóg í bili,
Chris -yfir og út

P.S. Ég er ekki greind með ofsóknaræði, en hver veit...

P.S.S(eða P.P.S) Getur e-r kennt mér að setja myndir inná fallega bloggið mitt?

Djúpar pælingar

2006-04-15T15:54:00.000-07:00

Það er ekki hægt að segja annað en að hlutunum miði fremur hægt hér í lærdómi mínum! Það er alveg kostulegt hvað maður getur fundið sér að gera, annað en að læra...

Nema hvað í aðgerðarleysi mínu áðan var mér litið á sjónvarpið eins og svo oft áður. Þá var til sýningar þáttur sem kallast Bikinímódel Íslands 2006. Keppendurnir voru á aldrinum 20-30 ára og flestar búnar að ala a.m.k. eitt barn, skyldist mér. Minnti þátturinn nokkuð á hinn gríðarvinsæla America´s next top model en þó á nokkuð neðra kaliberi. Ekki það að þessar stelpur hafi verið ómyndarlegar, en umgjörðin í kringum allt var fremur furðuleg. Tvær voru reknar úr þættinum í þetta skiptið,önnur vegna þess að hún vildi ekki sýna sig hálfbera(í bikiníi) á skemmtistað með drukknum áhorfendum og hin því að hún mætti of seint í viðtal, en hún hafði einmitt ekki fengið pössun fyrir barnið sitt því mamma hennar hafði víst ákveðið að detta íða kvöldið áður! Er allt að fara til fjandans!? Hér með vil ég lýsa yfir vonbrigðum mínum í garð sjónvarpsstöðvarinnar Sirkus:(.. Eeeenn allavega, ég ætla ekki að eyða meira púðri í sjónvarpsgagnrýni. Horfi hvort eð er ekki mikið á það....

Upp á síðkastið hafa verið að berjast innra með mér blendnar tilfinningar, svona bland í poka...Kvíði, tilhlökkun, gleði, sorg, ást..... Bara nefnið það. Ég horfi óneitanlega björtum augum til sumarsins. Þá verður nú aldeilis skrallað í Köben! Fékk samt nett panik-kast um daginn, þið vitið, þetta týpíska: Hver er ég? Hvað vil ég gera við líf mitt? Stefni ég í rétta átt? Er ég að gera rétta hluti núna?blablablablabla......
En vá, er maður e-n tímann að gera réttu hlutina og taka réttar ákvarðanir? Who knows and who cares!!! Djöfull væri örugglega leiðinlegt að vita alltaf upp á hár þú átt að gera!!

Jæææja ég er komin í alltof djúpar pælingar. ÉG er meira að segja búin að missa þráðinn hérna..

Leiter

Bloggibloggibloggi

2006-04-15T15:47:00.000-07:00

Jæja, þá er maður bara byrjaður að blogga enda þýðir ekkert annað, ég lifi svo innihaldsríku lífi! Þó sérstaklega þessa dagana þar sem maður gerir lítið annað en að lesa undir blessuðu stúdentsprófin sem eru í nánd.. Jább 15 stykki takk fyrir! Geri aðrir betur! Annars vona ég að ég haldi lengur út en eina færslu, hef nefnilega búið til nokkur blogg sem sjaldan endast lengi. Á við það vandamál að stríða að gleyma jafnan notendanafni mínu og/eða leyniorði. Áhugavert ekki satt?
En nú hef ég einsett mér það ausa úr viskubrunni mínum yfir sem flesta, svo njótið heil....